നീ നിന്റെ ഹൃദയം കൊണ്ട്
നമുക്കിടയിലൊരു
മരമതിലു പണിതുയര്ത്തി...
പക്ഷേ
രക്തമൊഴുകുന്ന
വഴികളിലെവിടെയോ വച്ച്
എന്റെ വേദന
നിന്റെ ഹൃദയത്തിന്റെ
മാംസളതയില് തട്ടിയിരിക്കാം...
എന്റെ ധമനികളില് നിന്നും
നിന്റെ ഹൃദയത്തിലേക്ക്
ഞാനെന്റെ ജീവ രക്തം
ഊറ്റി നല്കിയതു കൊണ്ടാണ്
ഇന്നെനിക്ക് ഹൃദയം
നഷ്ടമായത്...
ആ രക്തം മുഴുവനൂറ്റിയെടുത്ത്
നീ തീര്ത്തൊരാ മതിലിന്
ഇപ്പോള്
ഉയരം കൂടിയിരിക്കുന്നു....
ഇപ്പോളെന്റെ
നിഴലിന്റെ ഹൃദയം പോലും
ആ മതിലില്ത്തട്ടി
തകര്ന്നു വീഴുന്നു....
No comments:
Post a Comment